بسم الله الرحمـــــــن الرحيم
الســــــــــــلام عليـــــــــكم
وبعد،،،،،،،،،
اخوتي الاعزاء وجعني حال غزة في هاليومين التي فاتو
ودورت قصيدة اتكــــــــــــون معبرة عن الاسى اللي مر بيهم
ولقيت القصيدة هذي
وحبيت نعرضها علي اعضائنا الاعزاء
والشــــــاعر للأسف غير معروف
وانشـــــــــالله تعجبكم
ياشايله هم العرب ياغزة ****يالابسه ثوب الشرف والعزة
خلي العريش ورفح*****اتخفف عليك الجرح
وانقول للحكام****ياعوينكم نيام
في قصوركم و عروشكم مهتزة
في نومهم خليهم *****هم يضحوا والسيل يلعب بيهم
مايوم حسوا لا كرامه فيهم*****امغير ع الكراسي راقدين وعجزه
ما ايخالفوا سيدهم *****حاكم عليهم بوش مستعبدهم
يمسك عقاب القمح وايهددهم****وما يحملوا في بوش حتي بزه
ويش دارولك*****غاب الدوا والقوت ماوصلولك
وين المدد والخوت مافزعولك*****في وجوههم لا في حياه لا عزه
ياشامخه في عز*****هزي المعابر يالأيادي هز
وخلي الوطا يا ثايره تهتز*****واتقول ماوطن العرب يجزه
يا صامده بثوارك*****يارافضه للذل بين اديارك
هزمتي ظلام الليل في حصارك *****نورك سطع والله زادك عزه
ما يقدروا علي تطويعك*****ولا ايفيدهم حصار ولا تجويعك
كم حاولو من قبل في تركيعك *****لك شعب صامد ما حصار يهزه
تحيـــــــــاتي