اوسمتي
من طرف 
.................................................. ...
اليوم باعدوا يا عين اللى قبـــــل كانوا ينشـــدوا .
من خوف نتبعوأ للــــدار كريتها وبكينا برضنــــــا .
مقهور في عزيز قديم تـــــــمت العين ديمـا مريبة .
دسيتة على لعيــــــون غلاا جديد ماشية ع المهل .
على عزاز مرهونين عندى العين ديمــــا باكيــــة .
وديت يا عزيز العقل بالخونـة بعد طولـة رجـــــاء .
نحسابها معاى همدت مكبورات بالغلاء نين جورت .
بالك عليـــــــــنا ايروف عزيز لو نظر حالاتــــــــــنا .
انظـــــر بكيت والا لا عالدار جيت ما نوقض لهـــا .
بطــــــانا عليك ارجوع ابقـى غريب ما تأمن لحد .
لوهـــــــام عليك بعاد ابكـى هنا ما فيك ما مشـى .
نا نحمل وانت تعيب معاى يا عزيز والفتهـــــا .
تحلف اتقول منطوارت جرت دموعنا في ديارهـم .
لايام كل يوم بحـــــال وان مالن عليـــــنا نحلموا .
مغير من خلا ليدين دنــــوى عزيز مو هاين علـى .
ما طفــــــــــى لها دخان معانا وريثــــة نارهـم .
رجيت يا عزيز دناى لقيتنـى غنى رايك خرب .
العين عاتبـة ع العقل وتقول ما عزيز يهون علـى .
حال غايتـــى في صوب مع جديد ما ضاق الغلا.
يبدل غلاك بصبـــــر المولى اللى يأسك كتـب .
لوكان يا مرض لولاف نلقى لك دواء لا ما تكيدنى .
اللى سايرة فالعقـــــل سراقة بهـا ما تندروا .
لانا عزيز لانا نوم مرجا طويل يانا مرارنــــــا .
اوهام العزاز اعزاز حتـى وهن خوالى نزورهن .
العين داســــــة دماعت تبيهن على غايب لهـا .
اعزاز بنـــدروا للعقل عليهم بلا جاوى مــــــــــدح.
مليان دمع نا وياك اخذى بـى خلاك وناوبـــــــــــــى .
عزيز كى جنين الكبد نزعل عليــة ويعاود رضـــــا .
علية ابشـرى يا عين عزيز في طريقــــــــة جايك .
مرايف علـــيك تعال حنون يا زمـــــــــانى لولى .
قدامى ونا مغلوب لايــــــام في غلاى يمرمدن .
جاتك بلا تكليــف العين يا علن هى الراغبـــة .
العقل كى صحـى لخطاك شطبك لا عزا لا معاتبة .
رباية جنيـــــــن غلاى قصرن ايامها يوم جيــــــــتة .
يبقـى سليم مالنيران العقل لين لوهامك ايجـــــى .
الا فى النهــــــــــار ايدوج العقل داه م الليل يا علــــــم .
ورينـى بعد لولاف انتى زهاك يا عيــــــــــن ايسمه .
وين ما تدير عزوم يطرولهــــــــــا عزيز وتدقل .
بعد دناه صار خطاه عزيز ما لنا في عشـــــــرتة .
ذابت عليـــة الكبد عزيز غير يا عين ما قسم .
بكايــة بلاك وبيــــك يا عزيز عينـــــــــى مقزنة .
مرسال يا عزيز غلاك نتوا فيـــــــة قبل ايطولنى .
تخاطيت نا وعزيز لقيتـــــــة نصيبي وهو لقـى .
وحدى يا صهيد النار طيبت فيك والغالى انجــــى .
عزيز للدعـــاء ما هان اطلقت بين خالقى وخالقـة .
رديت لاوره وبكيت من دارك اللى ماشــــــــى لها .
كان العباء عالدمع كمل اليوم يا طول عازتـــــــــــى .
حتـــــــى وهو عذاب سنين غيات المراهين فاكهـة .
مرزى العقل داه كبير اسبوبة مراهين ما فضــــــوا .
مرهون يالعين انسيـــــة ديرى عزاوين واصبـرى .
مرهون عند شين اللون احجر نباه ما عاد ينطـرى .
غيات الغنــــــى يا عين لذيذات لولا عقابهــــــــن .
يداعى خفا ويبان الخاطر على صوب الغنــــــى .
النوم والهنـاء والقوت وغيات الغنــــــى حاسداتنا .
غنايا ونا معتـــــــاز العقل ما قال مالى ومالهم .
ان مات مو رحيم بلاك وان عاش مو غنـى نين ياخدك .
كذاب من مغـــــــــالى ناس غنايا مغيــــــر ايجاملوا .
يناوض عليك الجرح وتقول يا غنــــــــى يا ريتنى .
لا قسم لا لهن لا هان انظـــــــــــارى سبب داهن غنـى .
نباهم ايجي ع البـــــال حتى وهم غنايا يا علـــــــم .
.................................................. ...............
ارجـو التثبيت .
تحيـــــــاتى لكـم ............ انتظروا المزيد
العمل/الترفيه
